Aksjonerte mot pokerklubb i Bergen

Politiet, Lotteritilsynet og skjenkekontrollen aksjonerte onsdag mot det som framstår som ein ulovleg pokerklubb i Kaigaten i Bergen.

Bakgrunnen for aksjonen er ei større narkotikasak som har tilknytning til pokerklubben. Etterforskinga skal ha avdekka store kontantstraumar, som blir hevda er pokerpenger. Det er også mistanke om kvitvasking av pengar og ulovlege arbeidskontrakter. Det er opplysningar om at pokerspelarar har spelt på kreditt og opparbeida seg gjeld. Dette skal ha ført enkelte inn i narkotikakriminalitet.

Etter lotterilova er det forbudt å tilby organisert pokerspel med pengar. Brot på lotterilova kan føre til bøter og fengsel. Unntaka er løyvet Blodkreftforeningen har til å gjennomføre NM i turneringspoker og mindre pokerlag i private heimar.

Lotteritilsynet samarbeider med politidistrikt over heile landet med å kontrollere og reagere mot ulovlege pokerklubbar.