Publisert

Fristen for å søkje om meirverdikompensasjon ved bygging av idrettsanlegg gjekk ut 4. mai. Lotteri- og stiftelsestilsynet har motteke 451 søknadar. Det er totalt søkt om 192 millionar kroner. Etter justeringar er det reelle søknadsbeløpet 183 millionar kroner.

I 2015 er det løyvd 100 millionar til meirverdiavgiftskompensasjon ved bygging av idrettsanlegg. I forslag til revidert nasjonalbudsjett har regjeringa foreslått å auke denne løyvinga med 25 millionar kroner, til totalt 125 millionar kroner.

Godkjent søknadsbeløp og avkorting vert klart på hausten, etter at sakshandsaminga er avslutta.