Norsk Tippings overskot er fordelt

Store summar

Summen som skulle fordelast frå overskotet til Norsk Tipping gjennom tippenøkkelen var i 2016 på vel 4,33 milliardar kroner. Av dette gjekk 6,4 prosent til helseformål gjennom Extrastiftelsen sine prosjekt. Dei resterande midlane vert fordelt med 64 prosent til idrettsformål, medan 18 prosent går til kulturføremål og like mykje til samfunnsnyttige og humanitære organisasjonar.

I søknadsåret 2017 var tilskotet til samfunnsnyttige og humanitære organisasjonar på 730 millionar kroner, som er fordelt slik:

• 564,9 millionar er kompensasjon for bortfall av inntekter frå automatmarknaden – basert på inntekter frå gevinstautomatane i 2001.
  • oversikt fordeling til 10H i 2017 (Excel)
  • oversikt søkjarar og tildelt beløp i 2017 (Excel)
• 164,9 millionar går til samfunnsnyttige og humanitære organisasjonar som ikkje hadde automatinntekter i 2001.
  • sjå oversikt over søkjarar og tildelt beløp (overgangsordning) i 2017 (Excel).

Fleire får i år

Oversikten for 2017 viser at summen på 164,9 millionar kroner går til 44 organisasjonar som ikkje hadde automatinntekter i 2001. Pengane blir utbetalt 12. desember. Til samanlikning fekk 37 organisasjonar totalt 116,4 millionar kroner frå denne potten i fjor.

Sjå også pressemelding frå Kulturdepartementet.