Publisert

Lotteritilsynet offentleggjer 7. mai ei ny befolkningsundersøking om pengespelproblem og dataspelproblem i den norske befolkninga. Det er Universitetet i Bergen som har gjennomført undersøkinga. Over 10 000 vaksne nordmenn deltok, og dette er dermed den største undersøkinga i sitt slag her i landet.

Rapporten om undersøkinga blir offentleggjort på Håndverkeren i Rosenkrantzgate 7 i Oslo onsdag 7. mai klokka 10. Til stades blir også representantar for spelbransjen og for miljø som jobbar med speleåtferd.

Befolkningsundersøkinga gir status i omfanget av pengespelproblem før Norsk Tipping innførte sine Instaspill på nett. Målet er å følgje opp med ei tilsvarande undersøking om ei tid. Dette er den fjerde befolkningsundersøkinga Lotteritilsynet har fått laga sidan 2002.

Påmelding til pressemøtet skjer til kommunikasjonsdirektør Anne Mette Hjelle: amh@lottstift.prod.dekodes.no eller telefon 992 84 302.